Body Talks é un ciclo de AÏS que explora o corpo como espazo de pensamento, creación e relación, poñendo en diálogo a danza contemporánea, a performance, a música e as artes visuais. Cada proposta entende o movemento como unha ferramenta para cuestionar a realidade, activar a memoria e construír novas formas de encontro entre artistas, espazos e públicos.

No marco deste ciclo, Dadaneras presenta Espantapeces, unha peza creada para a gala do 50 aniversario da Agrupación Cultural Alexandre Bóveda. Inspirada no universo plástico de Maruja Mallo, a proposta mergúllase nun imaxinario onde natureza, mar e corpo se funden nunha paisaxe simbólica en constante transformación. A través dunha linguaxe coreográfica que combina xesto, presenza e musicalidade, a obra establece un diálogo entre tradición e contemporaneidade, evocando a forza expresiva dunha artista que fixo da liberdade creativa un territorio de resistencia.

A peza constrúe un espazo escénico no que o movemento convértese nunha forma de escritura capaz de activar novas lecturas sobre a identidade, a memoria e a relación co territorio. Desde unha mirada poética e sensorial, Espantapeces reivindica a capacidade da danza para xerar pensamento e emoción, ampliando os límites da experiencia artística e convertendo o corpo nun lugar de encontro entre creación, patrimonio e comunidade.