Con motivo da exposición Barrocracia, e no marco do Festival RESIS 2025, o MUNCYT acolle un encontro íntimo entre a voz da soprano Inés Carrión e os dispositivos técnico-simbólicos da instalación sonora.

Carrión, cuxa participación foi activa no proceso de Barrocracia, interpretará en directo —e a cappella— un ciclo íntimo de catro arias: tres de J. S. Bach (Komm in mein Herzenshaus, Ich habe genug e Ich folge dir gleichfalls) e unha de Dido e Eneas de H. Purcell (Oft she visits this lone mountain), en resonancia coas obras expostas.

Durante o evento, Panete e Carrión compartirán algunhas claves do traballo desenvolvido conxuntamente, como preludio a unha sorte de visita guiada, na que o artista abordará un eixo central da exposición: como os dispositivos técnico-científicos foron desprazados —en parte— da súa función orixinal cara a novas lóxicas simbólicas, musicais, sonoras e temporais.

Unha ocasión única para habitar Barrocracia desde a escoita, a dúbida e a transformación.