Asociación Cultural AÏS / Asociación Cultural Alexandre Bóveda
IN MEMORIAM ENRIQUE X. MACÍAS
SÁBADO, 19 DECEMBRO 2020, 20:00H
FUNDACIÓN LUIS SEOANE
O 19 de decembro de 2020 presentamos na Fundación Luis Seoane o documental “Enrique X. Macías. A lira do deserto”, dirixido por Manuel Del Río e o primeiro realizado sobre o compositor galego (Vigo, 1958-1995) no 25 aniversario do seu pasamento.
Neste emotivo acto tivemos a honra de contar con parte da familia do compositor, coa que redescubrimos a incrible potencia expresiva e a absoluta vixencia da súa música. Esta presentación foi acompañada ademais dunha pequena exposición con pertenzas de Macías, que puido ser visitada durante quince días para achegar ao público un pouco máis sobre a súa vida.
Achegamos un documento visual na súa memoria gravado o día do evento na Fundación Luis Seoane, con entrevistas a tres grandes coñecedores da súa obra: Manuel Del Río, director do documental “A lira do deserto”; David Durán, pianista de Vertixe Sonora; e Paco Yáñez, crítico musical.
PODES VER “IN MEMORIAM” NA NOSA CANLE DE YOUTUBE.
EQUIPO ARTÍSTICO
DEL RÍO
CRÍTICO MUSICAL | PACO YÁÑEZ
EQUIPO TÉCNICO
GUIÓN E DIRECCIÓN | HUGO GÓMEZ-CHAO
VÍDEO E EDICIÓN | IVÁN YUPARI
GRAVACIÓN E ILUMINACIÓN | MANUEL EIRÍS
SON | ÓSCAR DOMÍNGUEZ
FOTOGRAFÍA | XURXO GÓMEZ-CHAO
MÚSICA | ENRIQUE X. MACÍAS
MÚSICA
ADHUC
ITINERARIO DE LUZ, VERTIXE SONORA
CADENCIAS E INTERLUDIOS, DAVID DURÁN
EXEQUIAS, ORQUESTRA SINFÓNICA DE GALICIA