Mercedes Touzón Caboalles de Arriba, León. Instalada en Vilaboa Culleredo hai 22 anos.

 

Acostumados ás súas composicións de colaxe tridimensional, recentemente evoluciona na reapropiación de linguaxes que a miúdo se asocian co fogar e o feminino. Dando nova vida a obxectos persoais e familiares, sacados do desuso e do recordo. Fronte á negación de asignarlles unha perspectiva central na creación artística. Desafia así a desvalorización e a tradición que han feminizado certos labores e obrigado á aprendizaxe de técnicas repetitivas no bordado, a costura, o tecido ou o croché. Historicamente eses labores foron relegadas ao privado e desestimadas en comparación coa produción artística convencional.

 

Neste proceso, os materiais recuperados e reusados (como teas herdadas ou arames de ferro de contornas familiares persoais) transfórmanse en composicións visuais e escultóricas, cambiando a súa función utilitaria cara a unha dimensión plástica e unha estética contemporánea. Establece un dialogo entre o tradicional e o moderno, entre o ancestral e o contemporáneo.