O pasado xoves, 23 de outubro, tivemos o pracer de colaborar co COAG da Coruña na inauguración da exposición “Arquitecturas en curso. Modernidade na ETSAC”.

Grazas pola confianza e por ofrecernos este espazo tan inspirador, onde a música e a arquitectura se atoparon nun mesmo diálogo.

Foi un gusto compartir a velada coa soprano Adriana Aranda, coa comisaria da exposición Luz Paz Agras e coa presidenta da Delegación de A Coruña do COAG, Ruth Varela, que acompañaron este encontro entre patrimonio, modernidade e emoción.

Celebramos momentos como este, nos que a cultura se abre á cidade e conecta disciplinas e persoas.